Plantun de Prouvènço

Pèr coumpara dos planto d'encò nostre

Cuscuta approximata & Salvia sclarea

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Touto-bono

Salvia sclarea

Lamiaceae Labiaceae

Àutri noum : Erbo-di-bons-ome-blanc, Sauvieto-de-prat, Erbo-di-plago.

Noms en français : Sauge sclarée, Toute bonne.

Descripcioun :
La touto-bono, que trachis long de camin e de routo, es uno planto pulèu forto, ramificado, lanouso emé d'óudour. Li fueio (e li bratèio) soun larjo. Coumpara emé la sàuvi-d'Etioupìo que ié sèmblo un pau.

Usanço :
La touto-bono, coume soun noum lou dis èi vertuouso contro mant un proublèmo. Ajudo à sougna e sarra li plago, èi bono pèr li mau de vèntre (digestioun e règlo), pèr limita li susour, lou coulesteròu e lou sucre dóu sang. Ajudo peréu pèr amoureja e proun enca. Li fueio e li flour podon èstre boutado dins lou manja pèr douna de goust (bevendo, sucrarié,counfituro, soupo...).

Port : Grando erbo
Taio : 50 à 150 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Salvia
Famiho : Lamiaceae
Famiho classico : Labiaceae

Coulour de la flour : Bluio
Petalo : irreguliero
Ø (o loungour) flour : 15 à 30 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Camin - Ermas - Champ - Colo
Estànci : Mesoumediterran à Coulinen
Couroulougi : Óurigino Pontico
Ref. sc. : Salvia sclarea L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta approximata & Salvia sclarea

ges

Coumpara Péu-de-lin(-di-sepalo-lusènto) emé uno autro planto

Coumpara Touto-bono emé uno autro planto